ट्रकले किचेर गर्भवतीको मृत्यु, पेट फुटेर पाँच फिट तल खसेको नवजात शिशु जिउँदै

एजेन्सी । भारत उत्तर प्रदेशको फिरोजाबादमा एउटा हृदयविदारक दुर्घटना भएको छ । ट्रक एक गर्भवती महिलाको शरीरको माथिबाट गुडेको थियो । दुर्घटनामा महिलाको पेट फुटेको छ । गर्भमा रहेको बालिका ५ फिट टाढा गएर सडकमा खसेकी थिइन् । प्रतक्ष्यदर्शिको मुटु कमाउने यो घटनामा महिलाको शरीर टुक्रा टुक्रा भएको थियो । मानिसहरू नजिक गएर हेर्दा बालिका भने सकुशल थिइन् ।

सुत्केरी महिला श्रीमानसँग माइतीघर जाँदै थिइन् । दुर्घटनापछि श्रीमान रामुले भने ‘ मेरो आँखा अगाडि ट्रक कामिनीमाथि गुडेको थियो । श्रीमतीको पेट फुटेकाले घटनास्थलमै मृत्यु भयो । उनको शरीरमा केही बाँकी थिएन । त्यही बेला मेरो छोरी पेटबाट फुत्केर तल खसेकाले रोइरहेकी थिई ।’

यता, महिलाको मृत्युको खबर पाएपछि उनका काकाको मृत्यु भएको छ । ती महिला र उनका काकाको बुधबार साँझ अन्त्येष्टि गरिएको छ ।

आगराको धनौलाका रामु बुधबार श्रीमती कामिनीसँग मोटरसाइकलमा ससुराली घर जाँदै थिए । उनका ससुराहरू फिरोजाबादको नर्खी थाना क्षेत्रको वजिरपुर कोटलामा बस्छन् । उनले भने, ‘श्रीमती ९ महिनाकी गर्भवती थिइन् । उसले बुधबार बिहान मलाई माइत पुर्याउन भनिन्। परिवारका सदस्यहरू थिएनन् । म बच्चा जन्माएपछि ४ महिनासम्म घर फर्कन नसक्ने उनले बताएकी थिइन् । मैले उसलाई ९ बजे बाइकमा चढाएर हिंडे । घरदेखि ससुरालीसम्मको दूरी ४० किलोमिटर थियो ।’
रामुले भने, ‘केही समय हिँडेपछि कामिनीले चिया खाने इच्छा व्यक्त गरिन्, ढाबामा चिया पियौं । त्यसपछि ५ किलोमिटर हिडेको हुनुपर्छ, पछाडिबाट तीव्र गतिको ट्रकले मोटरसाइकललाई ठक्कर दियो । कामिनी बाइकबाट खसेकी थिइन् ।

रामुले भने, ‘दुर्घटनापछि म अवाक भएर श्रीमतीलाई हेर्दै थिएँ। त्यसपछि त्यो बाटो भएर हिड्ने बटुवाहरूले मेरी छोरीलाई उठाए । म उसलाई बोकेर बसिरहेको थिएँ। त्यसपछि केही असल मानिसहरूले उनलाई जिल्ला अस्पताल लगे। एम्बुलेन्स पछि आइपुग्यो, श्रीमतीको शव लिएर अस्पताल पुगेँ। त्यहाँ मैले परिवारका सदस्यलाई भने, कामिनी रहिनन्, विवाह गरेको ३ वर्ष भयो । यो हाम्रो पहिलो सन्तान हो ।’

दुर्घटनाको खबर सुनेपछि महिलाका काकाको पनि मृत्यु भयो । यो दुर्घटनाको खबर सुनेपछि क्यान्सर पीडित महिलाका काका कालीचरणको पनि हृदयघातका कारण निधन भएको थियो । काका लामो समयदेखि बिरामी रहेको आफन्तले बताएका छन् । त्यसैले पहिले कामिनीको मृत्युको बारेमा उनीहरुलाई भनिएको थिएन ।

कामिनीको सोही बिहान काकासँग कुरा भएको थियो । उनीहरू दुईबीच धेरै राम्रो घुलमिल थियो । यही कारणले थाहा पाउने बित्तिकै उनको हृदयघातबाट मृत्यु भयो । कामिनी र काका दुवैको बुधबार साँझ नै दाहसंस्कार गरिएको परिवारका सदस्यले बताएका छन् ।

डाक्टरले भने– बच्चाको पेटमा भित्री चोट लागेको छ
अहिले नवजात शिशु पहिलेभन्दा निको भएको जिल्ला अस्पतालका बालरोग विशेषज्ञ डा एलके गुप्ताले बताए । गर्भपतनका कारण, उनलाई चोट लागेको छ। उनको पेटमा आन्तरिक चोट लागेको छ । बिहीबार बिहान बालिकालाई दूध खुवाइएको थियो ।