बर्दिवास, १५ असार । गुलवसा खातुनको अपहरण, बलात्कार अनि हत्या प्रकरण अहिले पनि बर्दिवासका स्थानीयको मस्तिष्कमा ताजै छ । हो, तिनै ६ वर्षीया बालिकाको जघन्य हत्या अभियोगमा दोषी भइ फरार रहेका दुई अभियुक्तलाई प्रहरीले पक्राउ गरेको हो ।
उनीहरू द्वयलाई जलेश्वर नगरपालिका –१२ नैन्हीबाट पक्राउ गरिएको जिल्ला प्रहरी कार्यालय महोत्तरीले जनाएको छ । पक्राउ परेका अभियुक्त द्वयलाई आइतबार जिल्ला प्रहरी कार्यालय परिसरका सार्वजनिक गरिएको हो । बालिकाको मृत शरीर लुकाउन मुख्य भूकिमा लेखेको अभियोग लागेका ६० वर्षिय राज किसोर साह र उनकी श्रीमति ५१ वर्षिीया सुशीला देबि साहलाई प्रहरीले पक्राउ गरेको हो ।
बालिका खातुनको बर्दिवास –१४ मा घरबाट चकलेट किन्न निश्कदा ७ मंसिर २०७७ मा अपहरण, बलात्कार अनि हत्या भएको थियो । सोही घटनाको विरोधमा स्थानीयले गरेको प्रदर्शनमा प्रहरीले गोली चलाउँदा स्थानीय एक हानहार युवाको मृत्युसमेत भएको थियो ।
