अहिलेसम्म ६ दलले थ्रेसहोल्ड कटाए
बर्दिवास, २३ फागुन । प्रतिनिधिसभा निर्वाचनमा एकातिर धमाधम प्रतक्ष्यतर्फको मत परिणाम सार्वजनिक भइरहेको छ भने अर्कोतर्फ समानुपातिकको मत गणना भइरहेको छ । समानुपातिमा दिउसो १ वजेसम्मको मत परिणामअनुसार ६ दलले ३ प्रतिशतको थ्रेसहोल्ड कटाएका छन् ।
समानुपातिक मत १ लाख ७६ हजार ६४६ मत गणना हुँदा रास्वपानै हावी देखिएको छ । निर्वाचन आयोगकाअनुसार शनिबार दिउसो १ वजेसम्ममा राष्ट्रय स्वतन्त्र पार्टी (रास्वपा_ ले ९४ हजार ९८ मत ल्याएको छ । त्यस्तै, नेपाली कांग्रेसले २८ हजार ३२३, नेकपा एमालेले १९ हजार ९०५, राष्ट्रिय प्रजातन्त्र पार्टी (राप्रपा) को ८ हजार ८८०, नेपाली कम्युनिष्ट पार्टी (नेकपा) को ६ हजार ६४७ तथा श्रम संस्कृति पार्टीको ५ हजार ५६० मत आएको छ । भने बाँकी अन्य दलको मत आएको देखिन्छ ।
अहिलेसम्म यी सबै दलले ३ प्रतिशतको थ्रेसहोल्ड कटाएका छन् भने बाँकीले थ्रेसहोल्ड कटाउन सकेका छैनन् । यसमध्ये रास्वपाले ल्याएको मत कुल मतको ५४.५० प्रतिशत, नेपाली कांग्रेसले १६.४० प्रतिशत, नेकपा एमालेले ११.५३ प्रतिशत, ३.८५ प्रतिशत र श्रम संस्कृति पार्टीले ३.२२ प्रतिशत मत प्राप्त भएको छ ।
उज्यालो नेपाल पार्टीसँग एकात गरेको राष्ट्रिय परिवर्तन पार्टी (बाँसुरी चुनाव चिन्ह) को ३ हजार ४६१ मत आए पनि यो थ्रेसहोल्डका लागि पर्याप्त देखिँदैन ।
