मुख्यमन्त्री पौडेलको टोली सिन्धुपाल्चोकको लिदीमा

समाचार

sindhupalchok

काठमाडौं । बागमती प्रदेशका मुख्यमन्त्री डोरमणि पौडेलसहितको टोली सिन्धुपाल्चोक प्रस्थान गरेको छ । सिन्धुपाल्चोकको पहिरो प्रभावित क्षेत्रमा मुख्यमन्त्री पौडेल सहितको टोली हेलिकोप्टरमार्फत प्रस्थान गरेको हो ।

मुख्यमन्त्री पौडेलको नेतृत्वमा प्रदेशका सामाजिक विकास मन्त्री युवराज दुलाल ‘शरद’, उद्योग, पर्यटन, वन तथा वातावरणमन्त्री अरुण नेपाल, पूर्वमन्त्री शेरबहादुर तामाङ, प्रदेशसभा सदस्य शरेश नेपाल लगायत प्रस्थान गरेका छन् ।

मुख्यमन्त्री पौडेल जुगल गाउँपालिकाको लिदीमा भएको पहिरो प्रभावितका लागि स्वास्थ्य, राहत सामग्री तथा अत्यावश्यक सामग्रीसहित त्यसतर्फ गएका हुन् ।

प्रदेशका प्रमुख सचिव मानबहादुर बीके, बागमती प्रदेश प्रहरी प्रमुख डिआईजी वसन्त लामा, प्रदेश प्रहरी प्रमुख, नेपाली सेनाका प्रतिनिधि लगायत त्यसतर्फ प्रस्तथान गरेका हुन् । लिदी पहिरोमा परेका ज्यान गुमाएका परिवारलाई राहत तथा अन्यको पुनःस्थापनाका लागि सरकारको तर्फबाट अध्ययन गर्नेगरी टोली सिन्धुपाल्चोक हिँडेको हो ।

साथै, स्थानीय तहको समन्वय र प्रभावित पीडितसँगको सल्लाहमा प्रदेश सरकारले उपयुक्त स्थानमा एकीकृत बस्ती बनाउने गरी घोषणा पनि हुनेछ ।

 

सामाजिक विकास मन्त्री दुलालका अनुसार उपयुक्त स्थान उपलब्ध भएको ठाउमा एकीकृत बस्ति बनाउने कुराको घोषणा समेत हुनेछ ।

टोलीले राहत र उद्धारमा तत्काल गर्नुपर्ने कामका अलावा बस्तीको संरक्ष र सुरक्षित आवासको पुनः निर्माणको संभावना बुझेर स्थानीय तहको समन्वय र प्रभावितरपीडितले चाहेमा त्यहा पनि प्रदेश सरकारले उपयुक्त स्थान उपलब्ध भएको ठाउँमा एकीकृत बस्ति बनाउने छ ।

बागमती प्रदेश सरकारले बाढी पीडितलाई सुरक्षित स्थानमा पूरै घर प्रदेश सरकारले नै निर्माण गरेर हस्तान्तरण गर्ने निर्णय यसअघि नै गरिसकेको छ ।

 

प्रतिक्रिया दिनुहोस्
विशेष समाचार