अक्ल्याण्डमा लकडाउन हट्यो, मास्क अनिवार्य

अन्तराष्ट्रिय

एजेन्सी । न्युजिल्याण्डको सबैभन्दा ठूलो सहर अक्ल्याण्डमा लकडाउन हटेपछि सोमबारदेखि स्कूल र व्यवसायहरु सञ्चालनमा आएका छन् । सय दिनसम्म कोरोनामुक्त रहेको न्युजिल्याण्डमा पुनः भाइरसको संक्रमण देखिएपछि लकडाउन गरिएको थियो । अहिले लकडाउन हटेपनि सार्वजनिक यातायातमा मास्क अनिवार्य गरिएको छ ।

प्रधानमन्त्री जसिन्डा आड्र्रेनले आइतबार अक्ल्याण्डमा लागू गरिएका प्रतिबन्धरु खुकुलो गरिएको घोषणा गरिन् । तर, सार्वजनिक यातायातमा भने मास्कलाई अनिवार्य गरिएको जानकारी दिइन् ।

‘हामीसँग योजना छ, जसले काम गर्छ भन्ने हामीलाई थाहा छ । हामीले सबैको साथ र सहयोग चाहिएको छ । यदि सबैजनाले ती नियम र निर्देशनलाई पालना गरे भने हामीसँग भएको स्वास्थ्य उपायहरुले त्यो कार्यान्वयन हुनेछ,’ उनले भनिन् ।

विद्यालयहरु खुले पनि सर्वाजनिक समारोहमा प्रतिबन्ध कायम राखिएको छ । देशको अन्य भागमा भने लेभर २ को अलर्ट राखिएको छ । यसको अर्थ त्यहाँ सामाजिक दुरीको नियम पालना गर्नुपर्नेछ ।

प्रतिक्रिया दिनुहोस्
विशेष समाचार