केरङमा रोकिए २ सय कन्टेनर, सरकारले वास्ता नगरेको व्यवसायीको गुनासो

अर्थ/बाणिज्य

deuba byabasai HL6v6GKtPT

काठमाडौं । सरकारले आफ्ना माग नसुनेको भन्दै नेपाल राष्ट्रिय व्यवसायी महासंघले प्रतिपक्षी दललाई गुहारेको छ । आइतबार महासंघले प्रमुख प्रतिपक्षी दलका नेता शेरबहादुर देउवालाई ज्ञापनपत्र बुझाउँदै व्यवसायीका मागहरु सम्बोधन गर्न दवाव दिन आग्रह गरेको हो ।

व्यापारमूलक संगठनको सहभागिता रहेको सो महासंघको टोलीले देउवालाई ज्ञापनपत्र बुझाउँदै आधा दर्जनभन्दा बढी मागहरु गरेको छ । महासंघले ८ महिनादेखि केरुङ नाकामा रोकिएर बसेका कन्टेनरहरुलाई छुटाउन पहल गर्न, बन्दाबन्दी र निषेधाज्ञा अवधिभरको घरभाडा छुट र बैंकको ब्याजदर मिनाह गर्ने व्यवस्था गर्न तथा कर तिर्ने समयाविधि पर सार्न सरकारलाई दबाब दिन देउवालाई आग्रह गरेको थियो ।

भेटमा देउवाले व्यवसायीले राखेका सबै मागहरु जायज भएको भन्दै यसबारे प्रधानमन्त्रीको ध्यानाकर्षण गराउने आश्वासन दिएको अध्यक्ष नरेश कटुवालले जानकारी दिए । हाल केरुङमा मात्रै करिब २ हजार कन्टेनरहरु रोकिएको कटुवालको भनाई छ ।

माघमा ल्याइएका सामान दशैंसम्म आउने आशा गरिए चिनियाँ नाकाले दैनिक ८ वटाभन्दा गाडी छोड्न नमानेका कारण त्यो सामान आउन ढिलाई भइरहेको छ । त्यस्तै, व्यवसायी सञ्चालन हुन नपाउँदा व्यापारमूलक क्षेत्रसँग आवद्ध व्यवसायीहरु बैंकको ऋण, घरभाडा लगायत तिर्न नसकेर पलायन हुने अवस्था आइसकेको छ ।

प्रतिक्रिया दिनुहोस्
विशेष समाचार