भारतमा अक्सिजनको कालोबजारी

अन्तराष्ट्रिय

एजेन्सी । के कहिल्यै तपाईले सोच्नु भएको थियो कि मानिसलाई जीवित राख्ने प्राणवायु अक्सिजनको पनि चोरी हुनेछ र मानिसहरुले खुलेर यसको कालोबजारी गर्न पनि धक मान्ने छैनन् रु मानिसहरुले आफैंलाई जीवित राख्नका लागि अन्यको सास यति लाजमर्दो तरिकाले छिन्नेछन् रु यो जान्दाजान्दै कि एक दिन उनीहरुको पनि सास जानेछ ।

दूर्भाग्य, कोरोना भाइरसले हामीलाई त्यतो दिन पनि देखाइदिएको छ । हिजोसम्म भारतको मध्य प्रदेशसहितका धेरै राज्यमा मेडिकल सिलिन्डर अभाव भएको खबर आइरहेको थियो, अब पुनेमा अक्सिजन सिन्लिन्डरको चोरी भएको समाचारले समाजको मुखमा कालो पोतेको छ ।

मध्यप्रदेशमा तमाम सरकारी दाबी र आश्वासनका बाबजुद अक्सिजनको कमी पनि चुनावी मुद्दा बन्ने देखिन्छ । यदि यस्तो भयो भने नतिजाले कसको राजनीतिक सास लिनेछ, यो सोच्ने बेला आउनेछ । जसरी कोभिड–१९ ले विकराल रुप लिइरहेको छ, मध्य प्रदेशसहित समग्र भारतमा अस्पतालको कमी महसुस भइरहेको छ ।

कोरोनाका बिरामीका लागि अस्पतालहरुमा बेडको अभाव भइरहेको छ । आईसीयुको हालत खचाखच भरिएको ट्रेनभन्दा पनि खराब भइसकेको छ । केही अस्पतालमा त स्थान अभावका कारण गेटबाहिर तथा बगैंचामा पनि बिरामीहरुलाई राखिएको कुरा बाहिर आएको छ किनकि जति पनि संशोधन थिए, ती सबै अपर्याप्त सावित भइरहेका छन् ।

यस्तोमा अक्सिजन ग्यास सिलिन्डरको अभाव भइरहेको छ, जो कोरोना बिरामीलाई जीवित राख्ने अन्तिम भरोसा हो । किनकि कोरोना भाइरसले सिधैं फोक्सोमा हमला गरेर त्यसलाई काम गर्न नसक्ने अवस्थामा पुर्याउनसक्छ । परिणामस्वरुप बिरामीलाई सास लिन अफ्टेरो हुन्छ र एउटा निश्चित समयपछि अस्पतालमा रोगीलाई कृतिम अक्सिजन दिएर जीवित राख्ने हरसम्भव कोसिस गरिन्छ । तर संकटलाई अवसर बुझ्नेहरुले सासको कालोबजारी सुरु गरेका छन् । भारतमा अक्सिजन संकटको लक्षण त जुलाईबाटै देखिएको थियो, जब केही धुर्त मानिसहरुले सेप्टेम्बरसम्म कोरोनाको चरम अवस्था सुरु हुने आँकलन गर्दै अक्सिजन ग्यास सिलिन्डरको अवैध भण्डारण थालेका थिए ।

हैदरावादामा एक मानिस यसरी नै अवैध भण्डारण गर्दा पक्राउ पनि परे । केही अन्य स्थानमा पनि यस्तै भएको सूचना मिलेको थियो, तर त्यतिबेला यसलाई गम्भीर रुपमा लिइएन । खाना पकाउने ग्यास सिलिन्डरको कालोबजारी हुँदा सरकार जति गम्भिर हुन्छ, यसपटक त्यति पनि भएन । यसभन्दा पहिले सगरमाथा चढ्न गएका पर्वतारोहीहरुले अक्सिजन चोरीका विषयमा सार्वजनिक रुपमा बोल्ने गरेका थिए । उनीहरुबाटै यस्ता घटना सुनिन्थ्यों ।

हाई क्याम्पबाट अक्सिजन बोटल चोरी हुने घटना बढ्दै गएको गुनासो तीन वर्ष पहिले विदेशी पर्वतारोही र शेर्पाहरुले गरेका थिए । मानौं, अब यही ट्रेन्ड ठूलो बनेर मेडिकल अक्सिजन सिलिन्डरको चोरीका रुपमा बाहिर आइरहेको छ । प्राप्त जानकारीअनुसार महाराष्ट्रस्थित पुने नजिकै पिम्परी चिन्चवडमा २० अक्सिजन सिलिन्डरसहित भरिएको एक टेम्पो नै चोरी भयो ।

अन्य निजी अस्पतालहरुमा उच्च मूल्यमा बेच्नका लागि यी अक्सिजन सिलिन्डरहरु चोरी गरिएको प्रहरीको आशंका छ । योभन्दा पनि चिन्ताजनक स्थिति त निजी रुपमा अक्सिजन ग्यास सिलिन्डरको अवैध भण्डारणलाई लिएर छ । कोरोना लागेपछि अक्सिजन पाइदैंन भन्ने लागेर केही मानिसहरुले आफ्नो घरमै सिलिन्डरणको अवैध भण्डारण गर्न थालेको खबर पनि बाहिरिन थालेको छ, मानौं कि यो भात पकाउने ग्याँस हो । साभार– अमर उजाला डटकम

प्रतिक्रिया दिनुहोस्
विशेष समाचार