अभिनेत्री कोइराला क्वारेन्टाइनमा, रिपोर्ट आउन बाँकी

स्थानिय खबर

Manisha Koirala1 1024x576 1

काठमाडौं । अभिनेत्री मनीषा कोइराला यतिबेला काठमाडौंको एक होटलमा क्वारेन्टाइनमा बसेकी छिन्। मंगलबार राति काठमाडौं आएकी उनी आफ्ना परिवारसहित होटलमा बसेकी हुन्। दुई साताअघि भारतीय मिडियाबाट निकै घोचपेच झेलेकी उनी केही समय परिवारसँग बिताउन नेपाल आएकी हुन्।

मनीषाको पारिवारिक सुत्रका अनुसार उनी उच्च सतर्कताका साथ काठमाडौंको एक होटलमा क्वारेन्टाइनमा बसेकी छन् । आफ्ना परिवारसँग मनीषाले क्वारेन्टाइनबाटै कोरोना परीक्षणको लागि स्वाब ल्याबमा पठाएकी छन्। उनीहरुको रिपोर्ट शुक्रबारसम्म आउने आशा गरिएको छ।

अहिले उनले निश्चित दूरी बनाएर खास आफन्तबाहेक अरुसँग भेटघाट गरेकी छैनन्। क्वारेन्टाइनको १४ दिनपछि मात्र उनले अरुलाई भेट्ने बताएकी छन्। दुई साताअघि नेपाल सरकारले जारी गरेको नेपालको नयाँ नक्साबारे सकारात्मक प्रतिक्रिया दिएपछि उनीविरुद्ध भारतीय मिडिया खनिएका थिए। आजको राजधानी दैनिकबाट

प्रतिक्रिया दिनुहोस्
विशेष समाचार