रातु खोला उत्खननविरुद्धको अन्तरिम आदेश खारेजीको निवेदनमा आज सुनुवाई हुँदै

बर्दिवास, ४ जेठ । रातुखोला उत्खननविरुद्धको अन्तरिम आदेश खारेजीको माग गर्दै सर्वोच्च आदलतमा दिइएको निवेदनमा आज (बुक्रबार) सुनुवाई हुने भएको छ । सर्बोच्च अदालतले रातु खोला उत्खननविरुद्ध अन्तरिम आदेश जारी गर्दै उत्खनन्मा रोक लगाएको छ । सो अन्तरिम आदेश खारेजीको माग गर्दै बर्दिवास नगरपालिकाले सर्बोच्चमा गत शुक्रबारनै निवेदन दर्ता गराएको थियो ।

सो निवदेन यो साता दुई साता दुई पटक पेशी सूचिमा चढे पनि हेर्न नभ्याउनेमा पर्दै आएको छ । बर्दिवास नगरपालिकाबाट अख्तियार प्राप्त सोही नगरपालिकाका अधिकृत दीपकराज पौडलको वारिसमा काठमाडौं मनपा –११ हरिप्रसाद खनाले सो निवेदन दर्ता गराएका हुन् । निवेदन पत्रमा बदिवास नगरपालिका –१ का शंकर महतोसमेतलाई विपक्षी बनाइएको छ ।

निवदेनमा बर्दिवास नगरपालिकाले नेपालको संविधान र प्रचलित कानुन बमोजिम नगर क्षेत्रभित्र पर्ने रातु नदीलाई ४ खण्डमा विभाजन गरी ठेक्का लगाएकामा सबै खण्डमा तोकिएबमोजिमको उत्खनन कार्य बाँकी रहेको अनुगमन समितिलेसमेत ठहर गरेको उल्लेख छ । ठेक्का जेठ मसान्तसम्मका लागि लगाइएको भए पनि अन्तरिम आदेशले महिनौदेखि रोकिएको जिकिर गर्दै बर्दिवास नगरपालिकालाई अपूरणिय क्षती हुने उल्लेख गरिएको छ ।

नदीजन्य पदार्थको उचित प्रयोगबिना विकास निर्माण प्रायः असम्भव हुने भएकाले कानुन बमोजिम यसको प्रयोग नगर्ने हो भने नदीको सतह माथि बढेर उर्वर भूमि बर्बाद हुने जिकिर गरिएको छ । नदीजन्य पदार्थ कानुन बमोजिम उत्खनन् गर्न नदिने हो भने नागरिकको विकासको अधिकारसमेत हनन हुने उल्लेख गर्दै निवेदनमा एकतर्फी सुनुवाईको आधारमा जारी गरिएको अन्तरिम आदेश खारेजीको माग गरिएको छ । यो निवेदनको सुनुवाई आइतबारलाई तोकिएको छ ।