जब केटीहरूलाई ‘ब्रा’ हातमा लिएर परीक्षा केन्द्र छोड्न भनियो ….

एजेन्सी । केरलाको कोल्लम जिल्लामा, जुलाई १७ मा मार्टोमा इन्स्टिच्युट अफ इन्फर्मेशन टेक्नोलोजी (MIIT) मा NEET परीक्षा अघि स्क्रिनिङको नाममा केटीहरूको भित्री पोशाक खोल्न लगाइयो । यी ब्रा खोल्न लगाइएका मध्ये एक विद्यार्थीका बुबाले  प्रहरीमा उजुरी दर्ता गराएका छन् । हालसम्म पाँच जना पक्राउ परेका छन् । अर्कोतर्फ आज केरला र अन्य राज्यमा यसको विरोधमा  प्रदर्शनको सम्भावना रहेको छ ।

यो घटनामा परेकी एक छात्राले समाचार एजेन्सीसँग आफ्नो पीडा सुनाइन् । विद्यार्थीले भनिन्, ‘३ घण्टा परीक्षा लेख्दा हामी नर्भस भयौं । हाम्रो मानसिक अवस्था अस्थिर थियो । हाम्रो भित्री लुगा फुकालियो। हामीसँग सल पनि थिएन र केटाहरूसँग बसेर परीक्षा दिइरहेका थियौं । हामीले कपालले आफ्नो छाती छोप्नुपर्थ्यो। यो सबै एकदमै नराम्रो अनुभव थियो।’

हामीलाई भित्री पोशाक हातमा लिन भनियो

यी विद्यार्थीले भनिन्– स्क्रिनिङ प्रक्रिया पछि, केटीहरु जसको ब्रामा धातुको हुक थियो एक तर्फ उभ्याइयो । त्यसपछि एक एक गरेर हामीलाई कोठामा पठाइयो र भित्री पोशाक खोल्न भनियो। कोठामा प्रवेश गर्दा पहिलेदेखि धेरै भित्री लुगा भुइँमा छरिएको अवस्थामा देखेँ।

जब हामी सबै परीक्षा दिएर फर्कियौं, सबै केटीहरूलाई हाम्रो भित्री लुगा पाइन्छ कि पाइँदैन भन्ने चिन्ता थियो । सौभाग्यवश मैले मेरो भित्री लुगा भेट्टाएँ, तर एउटी केटीले भेट्टाइनन्, त्यसपछि उनी रुन थालिन्। उनको रोएको सुनेर त्यहाँ उपस्थित हाकिमहरुले उनी रोएको कारण सोध्न थाले । उनीहरुले यो अनुसन्धान प्रक्रियाको हिस्सा भएको बताए ।

अझ चिन्ताको कुरा के थियो भने हामीलाई हातमा भित्री पोशाक लिएर मात्र परीक्षा केन्द्र छोड्न भनियो। तर हामी सबै केटीहरूले मानेनौं र फेरि त्यही कोठामा गएर भित्री लुगा लगायौं। त्यसपछि मात्रै केन्द्रबाट निस्कियौँ ।

घटनामा पाँच जना पक्राउ, अनुसन्धान सुरु

प्रहरीले यस घटनामा पाँच महिलालाई पक्राउ गरेको छ । तीमध्ये तीन महिला परीक्षा सञ्चालन गर्ने राष्ट्रिय परीक्षण एजेन्सी (एनटीए) का थिए भने दुई महिला कलेजका थिए । यस सम्बन्धमा प्रहरीमा तीनवटा उजुरी परेका छन् । यसैबीच एनटीएले तथ्य पत्ता लगाउने समिति गठन गरेको छ ।

केन्द्रीय शिक्षा मन्त्रालयले भने कि विदेश र संसदीय मामिला राज्यमन्त्री वी. मुरलीधरन र केरलाका अन्य जनप्रतिनिधिहरूले यस सम्बन्धमा शिक्षा मन्त्री धर्मेन्द्र प्रधानलाई भेटेका छन् । केरलाका शिक्षा तथा सामाजिक न्याय मन्त्री डा आर बिन्दुले यस सम्बन्धमा केन्द्रीय शिक्षा मन्त्रीलाई पत्र पनि लेखेका छन् ।