वासिंगटन, १ चैत । अमेरिकी राष्ट्रपति डोनाल्ड ट्रम्पले बेलायत र अन्य राष्ट्रहरूलाई मध्यपूर्वबाट बाहिर निस्कने प्रमुख ढुवानी मार्ग सुरक्षित गर्न हर्मुजको जलडमरूममा युद्धपोत पठाउन आग्रह गरेका छन्।
अमेरिकी राष्ट्रपतिले चीन, फ्रान्स, जापान र दक्षिण कोरियाले पनि उक्त मार्गमा जहाज पठाउने आशा व्यक्त गरे, जहाँ एक पन्ध्र दिन अघि अमेरिका र इजरायलले इरान विरुद्ध युद्ध सुरु गरेदेखि धेरै ट्याङ्करहरूमाथि आक्रमण भएको बताइएको छ।
ट्रम्पको आग्रहको जवाफमा, बेलायतको रक्षा मन्त्रालयले सहयोगीहरूसँग ‘यस क्षेत्रमा ढुवानीको सुरक्षा सुनिश्चित गर्न विभिन्न विकल्पहरू’ बारे छलफल गरिरहेको बताएको छ।
तेहरानले विश्वको सबैभन्दा व्यस्त तेल ढुवानी च्यानल विश्वको लगभग २० प्रतिशत तेल आपूर्ति हुने बाटो जलडमरूमलाई अवरुद्ध गरिरहने बताएको छ।
ट्रम्पले शनिबार आफ्नो सामाजिक प्लेटफर्ममा लेखेका छन् ‘ूधेरै देशहरूलेू अमेरिकासँग मिलेर जलडमरूलाई ूखुला र सुरक्षितू राख्न मद्दत गर्न युद्धपोतहरू पठाउनेछन्।’
उनले दाबी गरेका छन् –इरानको १०० प्रतिशत सैन्य क्षमता पहिले नै नष्ट भइसकेको छ, तर तेहरानले अझै पनि एक वा दुई ड्रोन पठाउन, बारुदी सुरुङ विस्फोट गराएर , वा छोटा दूरीको मिसाइल यस जलमार्गमा अवरोध गर्न सक्छ ।’
‘आशा छ कि यस कृत्रिम अवरोधबाट प्रभावित चीन, फ्रान्स, जापान, दक्षिण कोरिया, बेलायत र अन्यले यस क्षेत्रमा जहाजहरू पठाउनेछन् ताकि होर्मुज जलडमरू अब पूर्ण रूपमा काटिएको राष्ट्रबाट खतरा नहोस्।’
उनले थपे ‘अमेरिकाले सो जलडमरुमा बम विस्फोट गराउँदैछ, र लगातार इरानी डुङ्गा र जहाजहरूलाई पानीबाट बाहिर लखेटिरहेको छ। हामी चाँडै नै होर्मुज स्ट्रेट खुला, सुरक्षित र स्वतन्त्र बनाउनेछौं ।’
ट्रम्पले शनिबार एक पोस्टमा भने – यसलाई ूहोर्मुज स्ट्रेटबाट तेल प्राप्त गर्ने विश्वका सबै देशहरूले यस कार्यमा भाग लिए धेरै सहयोग गर्नेछ।
ट्रम्पले भनेका छन् ‘यदी यरानले हर्मुज जलमार्गमा अवरोध गरिरहे खार्ग टापुमा रहेको इरानको महत्त्वपूर्ण तेल पूर्वाधारलाई ध्वस्त बनाउनेछ ।
उनले भने थपे – अमेरिकाले शुक्रबार इरानको खार्ग टापुमा सैन्य अड्डाहरू,नामेट पारिसकेको छ । यो मध्य पूर्वको इतिहासमा सबैभन्दा शक्तिशाली बम विस्फोट हो ।
ट्रम्पको धम्कीको जवाफमा इरानको सेनाले भनेको छ – खार्ग टापुको तेल पूर्वाधारमा आक्रमण भएमा अमेरिकाका सहयोगी खाडी मुलुकका तेल र ऊर्जा पूर्वाधार तत्काल खरानीमा परिणत गरिनेछ।
तेहरानले खाडीमा रहेका ऊर्जा लक्ष्यहरूमा यस्ता आक्रमणहरू बढाइरहेको छ । जुन अमेरिका र इजरायली आक्रमणहरूको प्रतिक्रियाको प्रमुख तत्व बनेको छ। इरानले चेतावनी दिदै थपेको छ –अमेरिका, इजरायल वा यसका साझेदारहरूको लागि जाने कुनै पनि ट्याङ्करमा निशाना साध्न इरान चुक्ने छैन ।
२८ फेब्रुअरीमा युद्ध सुरु भएदेखि स्ट्रेट र वरपर १६ जहाजहरू आक्रमण भएको समाचार छ।
