काठमाडौं । पुराना निर्देशक ज्ञानेन्द्र देउजाले ७ वर्षपछि निर्देशनमा कमब्याक गरेको फिल्म हो ‘झिंगेदाउ’ । फिल्मको पहिलो गीत ‘आगो बिना बिँडी जल्दैन’ सार्वजनिक गरिएको छ । मंगलवार राजधानीमा एक कार्यक्रमका बीच गीत सार्वजनिक गीतमा फिल्मका मुख्य ४ कलाकार केकी अधिकारी, मुकुन भुषाल, आँचल शर्मा र कुशल विष्टको नृत्य देख्न सकिन्छ ।
तामझामका साथ ठूलो संख्यामा कोरस डान्सर प्रयोग गरेर छायांकन भएको गीतको कोरियोग्राफी रामजी लामिछानेले गरेका हुन् । मुक्त उदासको शब्द र अर्जुन पोखरेलको संगीत रहेको गीतमा शान्तिश्री परियार र प्रविन बेडवालको स्वर छ ।
फिल्ममा केकी, मुकुन, आँचल र कुशलको अलवा हिँउवाला गौतम, संगम भण्डारी, विजय देउजा, आर्यन खड्का, अभयराज बराल लगायतका कलाकारको अभिनय देख्न सकिन्छ । कपनगडी सिनेमा र फिल्म क्रियु नेपालको ब्यानरमा निर्माण भएको फिल्म भिमनिधि तिवारीद्वारा लिखित ‘झिँगेदाउ’ कथामा आधारित रहेर निर्माण भएको फिल्ममा प्रदीप भारद्वाजले लेखेका हुन् ।
बिष्णु घिमिरेको छायांकन, मित्र डि गुरुङको सम्पादन रहेको फिल्मका निर्माता सुलभ प्रतीक देउजा र समीक्षा देउजा रहेका छन् । फिल्म भदौ १७ गतेबाट सार्वजनिक प्रदर्शनमा आउँदैछ । कार्यक्रममा निर्देशक देउजाले फिल्मलाई स्तरीय बनाउन आफूले कुनै कसुर बाँकी नराखेको बताए ।
